sakaratmak soch apki duniya badal deti hai (positive thinking change your world)

0
924
  • Aisa kaha jata hai ki positive thinking apki zindgi bana sakti hai to wahi negative thinking apki zindgi bigad bhi sakti hai. Jab hum apne bare main kuch bhi sochte hain to last me yahi conclusion nikalte hain ki ‘meri to kismat hi kharab hai, aisa mera sath hi kyu hota hai’ etc. Sach to ye hai ki log khud ko lekar kabhi satisfied rehte hi nahin hain. Kuch na kuch shikayatein sabko apni zindgi se rehti hi hain.

    Isliye pehle to aese log apni life me kabhi kuch kar hi nahi paate aur dusra agar kar bhi lete hain to bhi khush nhi rehte hain, jo hai usmy bhi kamiya nikalte hi rehte hain. Aur ye baate hmari negative thinking ka hi result hoti hai.

    Ab hum baat karte hain aese logon ki jo positive thinking ke sath jeetey hain. Aese log wo hote hain jo har problem me bhi khush rehte hain. Ya yu kahe ki aese log apni mushkilo ko bhi mushkil nahin samjhate hain. positive thinking ke log mushkilo se kuch n kuch sikhna jante hain, harna nahin. Aur jab wo sikhte hain to jeet bhi jate hain.

    Ek saral baat agar kahi jaye to jo log problems ke aane pr unhe negative way me dekhte hain wo sirf apni problems ko badhate hain. Lekin wo log jo apni problems ko positive way me lete hain to unki problems se related sare solution apne aap hi unke samne aakar khade ho jate hain.

    Hmare is article me humne dekha ke kese negativity insan ke sath bura karne ka dum rakhti hai. Aur kese positivity insan ke sath achha karne ka dum rakhti hai. Agar hum sari baato ka conclusion nikale to wo ye hai ki agar aap hmesha skaratmak(positive) rahoge to aap apni life ko bauht asaani se badal sakte ho aur usy achha bana sakte ho.

    To ab se hmesha positive rahiye aur apni zindgi ko khushiyo se bhar digiye..!!